فنکار رہیس بھارتی کی کورونا سے متعلق عوام سے اپیل

ملک میں کورونا وبا کا قہر جاری ہے۔ ایسے میں فنکار رہیس بھارتی نے بھی اپیل کی ہے کہ کورونا کے اس مشکل وقت میں ضرورت مندوں کا سہارا بن کر ان کی مدد کریں۔

رہیس بھارتی نے ایک ویڈیو جاری کر کے اپیل کی ہے کہ عالمی وباء کورونا کے قہر کی وجہ سے آج ہر طبقہ کافی متاثر ہوا ہے۔ ایسے میں تمام عوام سے اپیل کروں گا کہ ہر ضرورتمند شخص کی مدد کی جائے۔ مدد کرتے ہوئے انسانیت کا فرض ہم لوگوں کو نبھانا ہے۔

انہوں نے کہا کہ جس طرح سے یورپ کے لوگوں نے کورونا وبا کا ڈٹ کر مقابلہ کیا اور یہاں پر کورونا پوری طرح سے ختم ہو چکا ہے۔ اسی طرح سے جلد ہی بھارت کے عوام بھی کورونا کو شکست دے کر دوبارہ سے نئی زندگی کا آغاز کریں گے۔

انہوں نے کہا کہ ہم دعا کرتے ہیں کہ جلد سے جلد یہ بات ختم ہو اور ہمارا بھارت پہلے کی طرح رونق والا ہو جائے۔

رہیس بھارتی نے کہا کہ ہمارا ملک، ہمارا سماج ہے اس لیے جو بھی لیا ہے وہ ہم لوگ ملک کو واپس دیں۔

واضح رہے کہ رہیس بھارتی دوتھ بینڈ گروپ کے نام سے دنیا بھر میں مشہور ہیں۔