ریاست راجستھان کے دارالحکومت جے پور کے رام گنج میں پیر احمد شاہ کا ہم شکل ارشد قریشی نامی ایک بچہ رہتا ہے، ارشد درجہ پنجم میں تعلیم حاصل کر رہا ہے اور اس کا خواب مشہور سنگر میکا سنگھ سے ملاقات کرنا ہے۔
جے پور کا ارشد
ارشد کی عمر گیارہ برس کی ہے تاہم وہ اس عمر میں بہترین گانے گاتا ہے، اس نے اپنے گانے کی کارکردگی کا اظہار ٹی وی بھارت کے ذریعے کیا۔
اپنے استاد کے بارے میں معلومات فراہم کرتے ہوئے اس نے بتایا کہ دانش اور داود اس کے استاد ہیں، جنہوں نے لوک ڈاون کے دوران اس کو گانا سکھایا۔
ارشد کا کہنا ہے کہ وہ جہاں بھی جاتا ہے وہاں پر اس کو پیر احمد شاہ کے نام سے ہی پکارا جاتا ہے، واضح رہے کہ جے پور میں ایسے کئی بچے ہیں جو اپنے ہنر کی وجہ سے جانے اور پہچانے جاتے ہیں لیکن ان کو صحیح پلیٹ فارم نہیں ملنے کی وجہ سے وہ آگے نہیں آ پاتے۔
