راجستھان کے دارالحکومت جے پور کے چار دروازے علاقے میں عید میلاد النبیؐ کے موقع پر قادری ویلفیئر ریلیف سوسائٹی کی جانب سے ایک جلسہ کا اہتمام کیا گیا۔ پروگرام میں مہمان خصوصی کے طور پر شرکت کرنے آئے مفتی شعیب اجہری نے عوام سے خطاب کرتے ہوئے کہا کہ اسلامی سال کے تیسرے ماہ کی بارہ تاریخ پر روشنی ڈالی۔
انہوں نے کہا کہ پیغمبر اسلام اور نبی کریم صلی اللہ علیہ وسلم اس دنیا میں تشریف لائے، اور انہوں نے ہمیشہ اپنی زندگی میں امن و امان کا پیغام دیا۔
انہوں نے مزید کہا کہ حضور نبی کریم صلی اللہ علیہ وسلم نے اپنی زندگی میں ہمیشہ ہی سچ بولا کبھی بھی جھوٹ نہیں بولا اس لئے ہم لوگوں کو چاہیے کہ حضور نبی کریم صلی اللہ علیہ وسلم کی زندگی میں جو باتیں تھی ان تمام باتوں کو اپنی زندگی میں اتاریں، پروگرام کا آغاز قرآن کی تلاوت کے ساتھ ہوا اور آخر میں صلوۃ وسلام پڑھا گیا۔
اس دوران قادری ویلفیئر رلیف سوسائٹی کے کارکنان انتظامات کو بہترین بناتے ہوئے نظر آئے، وہی پروگرام کے آخر میں شیرنی بھی تقسیم کی گئی، اس دوران اہل سنت والجماعت سے تعلق رکھنے والے عہدے داران، عوام اور دیگر لوگ موجود رہے۔
