جے پور: راجستھان کے چورو ضلع کی سردار شہر سیٹ کے لیے 5 دسمبر کو ہونے والے آئندہ ضمنی انتخاب کے لیے تقریباً 800 معمر اور معذور ووٹرز گھر بیٹھے اپنے حق رائے دہی کا استعمال کریں گے۔ ریاست کے چیف الیکٹورل آفیسر پروین گپتا نے بتایا کہ الیکشن کمیشن آف انڈیا نے 80 سال سے زیادہ عمر کے معمر ووٹرز اور معذور ووٹروں کو گھر بیٹھے ہی ووٹ ڈالنے کی سہولت فراہم کی ہے اور اس سہولت کے تحت سردار شہر ضمنی انتخاب میں یہ ووٹر 24 سے 29 نومبر تک اپنے گھر سے ہی ووٹ ڈال سکتے ہیں۔ elderly and disabled voters vote from home
گپتا نے کہا کہ گھر بیٹھے ووٹ ڈالنے کے لیے 797 درخواستیں موصول ہوئی ہیں اور ان میں 80 سال سے زیادہ عمر کے 690 ووٹر اور 107 معذور ووٹر شامل ہیں جوگھر بیٹھے اپنے حق رائے دہی کا استعمال کریں گے۔ انہوں نے بتایا کہ گھرسے ہی ووٹنگ کی سہولت فراہم کرنے کے لیے 20 پولنگ ٹیمیں تشکیل دی گئی ہیں جو 24 سے 29 نومبر کے درمیان ان ووٹرز سے گھر گھر ووٹنگ کروائیں گی۔
یہ بھی پڑھیں: معذور اور معمر ووٹرز نے ووٹ ڈالا
یو این آئی
