عالمی وبا کورونا وائرس کی وجہ سے تمام تہواروں پر اجتماعیت سے پرہیز کیا جاتا ہے۔ رواں برس بھی کورونا وائرس کی وجہ سے راجستھان میں عید الضحیٰ کی نماز اجتماعی طور پر ادا نہیں کی جا سکے گی۔
ایسے میں تہواروں کے موقع پر مذہبی رہنما بھی عوام سے احتیاطی طور پر تہوار کو منانے کی اپیل کر رہے ہیں۔
عیدالضحیٰ کی قربانی کے سلسلے میں درگاہ بڑے پیر صاحب ناگور کے سجادہ نشین سید صداقت علی جیلانی نے اپیل کی ہے کہ راستوں اور کھلی جگہوں پر قربانی نہیں کریں بلکہ اپنے خود کی جگہوں پر قربانی کا اہتمام کریں۔ قربانی کے جونوروں کے خون نالیوں میں ڈالنے سے اجتناب کریں، بلکہ اس کو دفن کریں۔
انہوں نے کہا کہ جانوروں کے جسم کا وہ حصہ جس کو بھی کھایا نہیں جاتا اس کو بھی باہر نہیں پھینکے بلکہ دفن کریں۔
سید صداقت علی گیلانی نے مزید کہا کہ جن جانوروں پر قانونی طور پر پابندی لگائی گئی ہے۔ ان جانوروں کی قربانی نہیں کریں۔
انہوں نے کہا کی صاف صفائی کا خاص طور پر خیال رکھا جائے تاکہ آپ لوگوں کی وجہ سے کسی کو کوئی تکلیف نہی ہو۔ خاص طور پر قربانی کا ویڈیو بنا کر سوشل میڈیا پر نہیں ڈالیں۔
مزید پڑھیں:
میرٹھ: عید گاہ میں نماز ادا کرنے کا مطالبہ
واضح رہے کہ عالمی وبا کورونا وائرس کی وجہ سے راجستھان حکومت کی جانب سے بڑے بڑے تہواروں پر پوری طرح سے پابندی لگائی گئی ہے اور تہواروں کو گھروں میں ہی منانے کی اپیل کی جا رہی ہے۔
