الور سے ہریانہ کی طرف جارہی تیز رفتار بلیرو کار کی پلٹنے سے کار میں سوار تین لوگ شدید طور پر زخمی ہوگئے۔
حادثے کی اطلاع ملنے کے بعد صدر تھانہ پولیس حادثے کی جگہ پر پہنچی اور تینوں لوگوں کو الور کے اسپتال میں داخل کرایا گیا جہاں ڈاکٹروں نے انہیں مردہ قرار دے دیا۔تینوں کی لاشوں کو الور کے مردہ گھر میں رکھا گیا۔
یہ تینوں ہریانہ کے پنہانہ تھانہ علاقے کے لہنگی کلا گاؤں کے رہائشی تھے۔پولیس نے ان کے لواحقین کو اس کی اطلای دی ہے۔
صدر تھانہ انچارج رام نواس مینا نے بتایا کہ بدھ کی صبح قریب 11 بجے رادھا ستسنگ بھون کے سامنے ایک بے قابو بلیرو کار پلٹ گئی تھی۔جس میں پنہانہ کے رہائشی ہنیف، رفیق اور اجی تینوں شدید طور پر زخمی ہوگئے ہیں۔
انہوں نے مزید بتایا کہ یہ تینوں الور سے پنہانہ جارہے تھے ۔پولیس جانچ کررہی ہے کہ یہ لوگ کس وجہ سے تیز رفتار میں گاڑی چلا رہے تھے۔
