ریاست راجستھان کے الور میں رہنے والے تارکین وطن مزدوروں کی پریشانی کے پیش نظر ضلع کلکٹر اندریجیت سنگھ نے الور کے تمام سب ڈویژن افسران کو ہدایت دی ہے کہ وہ مہاجر مزدوروں کو نجی گاڑیوں سے جانے کی اجازت دیں۔ اس سے الور میں بسنے والے مزدوروں کو بڑی راحت ملے گی۔
دراصل ضلع میں 11 صنعتی علاقوں میں 12،000 سے زیادہ یونٹ ہیں۔ ان میں لاکھوں تارکین وطن مزدور کام کرتے ہیں۔ لاک ڈاؤن کی وجہ سے الور کے مختلف علاقوں میں ہزاروں مزدور اب بھی پھنسے ہوئے ہیں۔ ان مزدوروں کو رہائش کے لئے گھر اور کھانا سمیت مختلف ضروریات کی چیزوں کے لئے کافی پریشانیوں کا سامنا کرنا پڑ رہا ہے۔
تارکین وطن مزدوروں نے حکومت اور انتظامیہ سے متعدد بار گھر بھیجنے کا مطالبہ کیا ہے۔ ای ٹی وی بھارت نے تارکین وطن مزدوروں کے مسائل کو نمایاں طور پر اٹھایا تھا۔ جس کے بعد الور انتظامیہ نے سنجیدگی کا مظاہرہ کیا اور مہاجر مزدوروں سے بات کی اور انہیں راشن مہیا کرایا تھا۔
واضح رہے کہ' راجستھان حکومت نے مہاجر مزدوروں کے لئے ایک پورٹل بھی لانچ کیا ہے۔ جس میں تارکین وطن مزدور رجسٹریشن کرا رہے ہیں۔'
