خادموں کا الزام ہے کہ درگاہ میں کووڈ 19 گائیڈ لائن کے مطابق بغیر رجسٹریشن کوئی بھی شخص درگاہ میں داخل ہونے پر پابندی عائد ہے۔ ایسے میں درگاہ کمیٹی کے سپروائز نے دو زائرین کو بغیر اجازت دربار میں داخل کراتے ہوئے کووڈ 19 کی گائیڈ لائن کے خلاف ورزی کی ہے۔
درگاہ کے خادموں نے نظام گیٹ پر تعینات عملہ کی شدید لاپرروائی مانتے ہوئے پولیس اسٹیشن میں شکایت درج کروائی ہے۔ وہیں سپروائزر عبدالرحمن نے کہا ہے کہ لکھنؤ کے ظہیر اور ان کے ساتھی کو درگاہ کمیٹی صدر کے حکم پر لے گئے تھے، جب کی درگاہ ناظم شکیل احمد کو اس پورے معاملے کی جانکاری ہے لیکن دوسری طرف ناظم شکیل احمد نے 2 زائرین کے درگاہ داخلہ کو لے کر کسی طرح کی جانکاری ہونے سے انکار کر دیا ہے۔
یہ پورا معاملہ سوشل میڈیا پر سپروائزر اور 2 زائرین کا فوٹو وائرل ہونے پر سرخیوں میں آیا اور پولیس تک پہنچ گیا۔یہی وجہ ہے کہ نظام گیٹ پر تعینات پولیس اہلکاروں اور درگاہ کمیٹی ملازمین کے لیے خادموں کی شکایت درد سر بن گئی ہے۔
