اجمیر: کسانوں کے احتجاج کی کامیابی اور ملک کی خوشحالی کے لئے دعا کا اہتمام

زرعی قوانین کے خلاف گذشتہ دوماہ سے زیا دہ عرصہ سے قومی دارلحکومت دہلی کی مخلتف سرحدوں پر متعدد کسان تنظیمیں اس قوانین کی منسوخی اور ایم ایس پی پر قانون سازی کے مطالبات کو لے کر احتجاج کر رہی ہیں ۔ اور اب کسانوں کے اس احتجاج کو عوامی حمایت بھی ملنے لگی ہے ۔ اسی سلسلے میں اجمیر شریف درگاہ پر کسانوں کی حمایت میں دعائیں کی گئیں-

ریاست راجستھان کے شہر اجمیر میں واقع مشہور درگاہ میں لوگوں نے کسانوں کے احتجاج کی کامیابی اور ان کی مشکلات و مسائل کے حل کے لئے دعائیں کیں۔

سلطان الہند خواجہ غریب نواز درگا ہ کے خادم اور عقیدت مندوں نے کسانوں کے حق اور مرکزی حکومت سے کسانوں کے مطالبات پر غور و خوض کرنے نیز ملک کی امن و سلامتی و خوشحالی اور عالمی وبا کورونا وائرس سے حفاظت کے لئے دعائیں کی گئیں۔

انہوں نے کہا کہ ملک کی سرحدوں کی حفاظت سے لے کر عوام تک غذا کی رسائی سمیت دیگر اہم سرگر میاں کسان ہی انجام دیتے ہیں ۔

سجادہ نشین کا کہنا ہے کہ امید ہے کہ ملک کے حالات جلد تبدیل ہونگے اور چہار سو خوشیاں ہی خوشیاں نظر آئینگی۔

۔