اجمیر:حضرت خواجہ غریب نواز رحمت اللہ علیہ کا 812واں عرس مبارک یکم رجب سے نو رجب تک اجمیر شریف میں منعقد کیا جائے گا۔اس سلسلے میں اجمیر ضلع انتظامیہ ،محکمہ پولیس سمیت دیگر تعلقات تنظیموں نے انتظامات مکمل کر لیے ہیں۔ اسی سلسلے میں عرس مبارک کے ساتھ خیریت سے مکمل ہونے کے لیے ضلع انتظامیہ اور پولیس محکمہ نے خواجہ صاحب کی بارگاہ میں چادر پوشی کرتے ہوئے امن و امان سے عرس اختتام پذیر ہونے کی دعا مانگی ۔
اجمیر شریف درگاہ میں لاکھوں زائرین کی حفاظت اور انتظامات مکمل کرنے کے بعد اب ضلع انتظامیہ پرامن کی دعا لے کر خواجہ صاحب کی چوکھٹ پر پہنچا ہے, عالمی مشہور حضرت خواجہ غریب نواز رحمت اللہ علیہ کا 812 عرس مبارک شروع ہو گیا ہے۔ یکم رجب ہونے پر اب زائرین کی تعداد بھی بڑھنے لگی ہے۔عرس میں لاکھوں زائرین شرکت کریں گے۔
ایسے میں ان کی سلامتی اور پرامن عرس اختتام پذیر ہو اس کے لئے ضلع انتظامیہ کے ال افسران خود خواجہ صاحب کے استانہ شریف پر چادر لے کر پہنچے ہیں۔ اس موقع پر درگاہ کمیٹی اور خدام خواجہ انجمن کے نمائندے بھی ان کے ساتھ موجود رہے ۔
یہ بھی پڑھیں:راجستھان کے وزیراعلیٰ کی جانب سے اجمیرشریف کی درگاہ پر چادر پیش کی گئی
اجمیر رینج ائی جی لتا ایم کمار , ضلع کلیکٹر بھارتی دکشت اور پولیس ایس پی چونا رام جاٹ سمیت دیگر افسران بھی عرس انتظاموں کے کامیاب ہونے کی دعا لے کر پہنچے تھے, جہاں خواجہ صاحب کے مزار پر عقیدت کی چادر پیش کی گئی اور دعا خیر مانگی گئی۔
