لوٹ اور قتل کا ملزم گرفتار

بینک لوٹنے اور قتل کے معاملے میں ملوث ایک ملزم کو گجرات اے ٹی ایس نے گرفتار کیا ہے، ملزم کے خلاف چار دہائی پہلے بینک لوٹنے کا الزام ہے۔

ریاست راجستھان میں سرحدی ضلع باڑمیر کے گڈراروڈ تھانہ علاقہ میں گجرات اے ٹی ایس نے بڑی کارروائی کرتے ہوئے چار دہائی پہلے بنک میں لوٹ پاٹ اور قتل کے تین معاملوں میں ملوث ملزم کو آج گرفتار کیا۔

ضلع پولس سپرنٹنڈنٹ آف پولس آنند شرما نے بتایا 'گاڈراروڈ تھانہ علاقہ میں رہنے والے شکتی دان سال 1982 میں بنک ڈکیتی اور قتل کے تین معاملوں میں ملوث تھا جسے باڈمیر پولس نے تفتیش کے بعد گجرات کی اے ٹی ایس ٹیم کو سونپا'۔

انہوں نے بتایا 'گجرات پولس کی اے ٹی ایس ٹیم ملزم کو لے کر گجرات روانہ ہوگئی ہے'۔

بھارت میں تشدد کی خبریں ہمیشہ اخباروں کی سرخیاں بنتی ہیں، آج بھی اتر پردیش میں قتل کے ملزم وکاس دوبے ڈیجیٹل میڈیا اور ٹی وی میڈیا کی سرخی بنے۔

پولیس نے گذشتہ روز وکاس دوبے کو ہراست میں لیا تھا اور آج اسے انکاونٹر میں ہلاک کر دیا گیا۔ وکاس پر 60 مقدمات درج تھے اور حال ہی میں اس پر آٹھ پولیس اہلکاروں کی ہلاکت کا الزام عائد کیا گیا تھا۔