اجمیر شریف میں عباسی سماج نے تین ضرورت مند خاندان کی بچیوں کا نکاح کرایا ہے۔ نواب کا بیڑا علاقے میں موجود کمیونٹی ہال میں عباسی سماج کی نئی تشکیل شدہ تنظیم کے زیر اہتمام غریب بچیوں کی شادی کا اخراجات اور گھریلو ضروریاتی سازو سامان کا ذمہ اٹھایا گیا۔
دلہن کو بیٹی کی طرح الوداع کیا اور نئی زندگی اسلام کے مطابق جینے کی دعا دی۔ شادی ہال میں موجود عباسی سماج کے لوگوں نے تنظیم کے اس قدم کو خوب سراہا۔
دولہا دلہن کا کہنا تھا کہ کورونا وبا کی وجہ سے معاشی حالات خراب ہو گئے تھے، جس کے سبب شادی کرنا ممکن نہیں تھی۔ لیکن ایسے میں ان کے والدین کے لیے رحمت الہٰی ہوئی اور عباسی تنظیم اجمیر کی جانب سے ان کی نئی زندگی کا آغاز ہوا، جس کے لیے تمام عباسی برادری کے لوگ کمیٹی کو تہہ دل سے شکریہ ادا کرتے ہیں۔
مزید پڑھیں:
بھوپال: ثقافتی فن 'چہار بیت' کا خصوصی اہتمام
واضح رہے کہ گزشتہ چند برس سے عباسی سماج کی تنظیم اجتماعی شادی کا اہتمام کر چکی ہے، لیکن رواں برس کورونا وبا کا خوف اور مالی حالت درست نہیں ہونے کی وجہ سے صرف تین جوڑوں کا نکاح کروایا گیا ہے۔
