اجمیر: مال بردار گاڑی کی زد میں آنے سے نوجوان ہلاک

مانگلیاواس پولیس چوکی انچارج بدرالدین نے بتایا کہ 'ایک نوجوان مال بردار گاڑی کے نیچے دو حصوں میں پڑا ہوا تھا جسے مقامی باشندوں اور ریلوے ملازمین کی مدد سے باہر نکالا گیا۔'

ریاست راجستھان کے شہر اجمیر کے مانگلیاواس پولیس اسٹیشن علاقے میں سرادھنا پلیہ کے قریب مال بردار گاڑی کی زد میں آنے سے بیاور تیجا چوک کے رہائشی یوگیش کمار سونی کی موت ہوگئی۔ حادثہ کی اطلاع ملنے پر مانگلیاواس پولیس موقع پر پہنچی۔

مانگلیاواس پولیس چوکی انچارج بدرالدین نے بتایا کہ 'ایک نوجوان مال بردار گاڑی کے نیچے دو حصوں میں پڑا ہوا تھا جسے مقامی باشندوں اور ریلوے ملازمین کی مدد سے باہر نکالا گیا۔'

انہوں نے بتایا کہ 'لاش کے پاس سے موبائل فون اور ویلیٹ برآمد ہوا ہے جس میں کچھ دستاویز سے لاش کی شناخت کی گئی ہے۔'

پولیس تفتیش میں لاش کی شناخت بیاور کے رہائشی، یوگیش کمار سونی کے طور پر ہوئی ہے۔ لیکن یہ واضح نہیں ہے کہ معاملہ خودکشی کا ہے یا یہ کوئی حادثہ ہے۔

پولیس نے لاش کو پوسٹ مارٹم کے لیے اجمیر کے جواہر لال نہرو ہاسپٹل بھیج دیا اور معاملے کی جانچ شروع کردی ہے۔