Ajmer Sharif Urs اجمیر درگاہ میں عرس کے موقع پر عقیدتمندوں کی کثیر تعداد

عالمی شہرت یافتہ درگاہ خواجہ معین الدینؒ کا 811 واں عرس جاری ہے۔عرس کے موقع پر ملک و بیرون ممالک کے عقیدت مند کثیر تعداد میں یہاں پہنچ کر اپنی عقیدت کا اظہار کر رہے ہیں۔

ریاست راجستھان کے شہر اجمیر میں واقع عالمی شہرت یافتہ درگا حضرت خواجہ غریب نواز رحمتہ اللہ علیہ کا 811 وا عرس کا پہلا جمعہ عقیدت مندوں کے لئے خاص رہا۔ برصغیر سے کثیر تعداد میں زائرین اجمیر شریف پہنچے اور خواجہ صاحب کی بارگاہ میں حاضری دی۔ عرس کے دوران زائرین کو جمعہ کی نماز ادا کرنے کا موقع ملا۔ جمعہ کی نماز کے پیش نظر درگاہ کے متصل علاقوں اور قرب و جوار کے بازاروں میں نمازیوں کے لئے ضلع انتظامیہ، پولیس محکمہ متحرک نظر آئے۔

درگاہ کی جامع مسجد میں شہر قاضی توصیف احمد صدیقی نے امامت کی۔ جمعہ کی نماز کیلئے درگاہ علاقہ میں چاروں طرف نمازیوں کی کثیر تعداد دیکئی گئی۔ پولیس انتظامیہ نے گلی اور بازاروں میں نمازیوں کے لیے معقول انتظام کیا۔اس دوران مجسٹریٹ بھاونا گرگ خود بھی انتظام کے لیے اونچی عمارت پر کھڑی نظر آئیں۔ مصلیوں نے مسجد میں جگہ قلت کے سبب سڑکوں پر نماز جمعہ اداکی۔درگاہ کے ارد گرد موجود ہندو مسلم دکانداروں نے نمازیوں کو جائے نماز مہیا کرائی۔