ایس ایم ایس ہسپتال کے ایک کمرے میں آتشزدگی

دارالحکومت جے پور کے سوائی مان سنگھ ہسپتال کے ایک کمرے میں آگ لگ گئی۔ آگ لگنے سے کسی جانی نقصان کی اطلاع نہیں ہے۔

ریاست راجستھان کے دارالحکومت جے پور کے سوائی مان سنگھ (ایس ایم ایس) ہسپتال کے پہلے اے بی وارڈ کے پاس آج صبح ایک کمرے میں آگ لگ گئی۔
موصولہ اطلاع کے مطابق، آج صبح اے بی وارڈ کے پاس فیکلٹی روم میں اچانک آگ لگ گئی۔ موقع پر پہنچے فائر بریگیڈ نے تقریباََ ایک گھنٹے کی مشقت کے بعد آگ پر قابو پا لیا۔

آگ لگنے سے گیلری میں دھواں بھر گیا اور افرا تفری مچ گئی۔ آگ کے کمرے سے باہر پھیلنے سے پہلے ہی قابو پا لینے سے بڑا حادثہ ہونے سے ٹل گیا۔ آگ لگنے سے کسی جانی نقصان کی اطلاع نہیں ہے۔