دارالحکومت جے پور کے سبھاش چوک علاقے میں واقع ایک مکان میں دیوالی کے مدنظر پٹاخے بنانے کا کام چل رہا تھا اس دوران آتشزدگی کا واقعہ پیش آیا۔
دوپہر تین بجے کے قریب آگ لگنے کے بعد علاقے کے باشندوں نے محکمہ آگ اور پولیس محکمے کو اطلاع دی، اطلاع ملنے کے بعد چھ سے زیادہ فائر بریگیڈ کی گاڑیاں موقع پر پہنچی اور آگ پر پانی ڈال کر قابو پانے کی کوشش کی۔ دو گھنٹے کی کڑی مشقت کے بعد آگ پر قابو پایا جا سکا۔
آتشزدگی کی واردات سامنے آنے کے بعد پولیس پورے معاملے کی تفتیش کر رہی ہے اور جو بھی اس کے ذمہ دار ہیں ان کو گرفتار کرنے کی پوری تیاری میں ہے۔
پولیس محکمہ کے اعلی افسران کے مطابق جس کسی بھی وجہ سے یہ واردات ہوئی ہے اور جو کوئی بھی اس پورے معاملے میں ملزم ہے اس پر ایف آئی آر درج کرلی گئی ہے اور اب کاروائی کو عمل میں لایا جائے گا۔
واضح رہے کہ گذشتہ کچھ ماہ قبل دارالحکومت جے پور کے اندر مارکیٹ میں اسی طرح سے آتشزدگی کا معاملہ سامنے آیا تھا جس میں علاقے کے لوگوں کا کافی زیادہ نقصان ہوا تھا۔ جس کے بعد پولیس کا یہ کہنا تھا کہ اب کہیں پر بھی اس طرح کا معاملہ نہیں ہوگا لیکن اب جس طرح سے آج پورا معاملہ پیش آیا ہے اس کے بعد پولیس اور دیگر محکمے کے لوگوں پر الزام لگنا شروع ہو چکے ہیں۔
