فرانس میں پروگراموں کی اجازت ملتی ہے تو گھومر، ڈھول، لوک ڈانس، بھوائی ڈانس سمیت راجستھان کے دیگر پچاس فنکاروں کو بڑی تقاریب میں اپنے فن کا مظا ہرہ کرنے کے لئے مدعو کیا جائے گا۔ یہ کہنا ہے کہ راجستھان کے فنکار رئیس بھارتی کا جو اس وقت اپنی ٹیم کے ساتھ فرانس میں موجود ہیں۔
رئیس بھارتی کی جانب سے جاری کئے گئے ایک ویڈیو پیغام کے مطابق جب عالمی وباء کورونا نے فرانس میں دستک دی تھی تب وہ فرانس میں ہی تھے۔
رواں برس فرانس کے ایک بڑے پبلشر فرینچ پبلشر کی جانب سے رئیس بھارتی کی زندگی پر ایک کتاب لکھی گئی ہے، اس کتاب کا نام 'راجستھان کے دل کی دھڑکن رئیس بھارتی' دیا گیا ہے، اس کتاب میں رئیس بھارتی کی زندگی سے جڑی ہوئی تمام معلومات، ان کے انعامات، راجستھان کی فن اور ثقافت سمیت دیگر کئی اہم امور کو شامل کیا گیا ہے۔ اس کتاب کے شائع ہونے کے بعد دیگر زبانوں میں اس کے ترجمے کئے جائیں گے۔
