چتوڑ گڑھ میں آج ادئے پور نمباہوڑا اسٹیٹ ہائی وے پر ایک ٹریلر نے اوور ٹیک کی کوشش میں کروزر گاڑی کو اپنی زد میں لے لیا، جس میں 7 افراد ہلاک ہوگئے ہیں۔
اوور ٹیک کی کوشش میں ٹریلر نے کروزر گاڑی کو اپنی چپیٹ میں لے لیا، جس میں 7 افراد کی موقع پر ہی موت ہوگئی ہے، جب کہ متعدد افراد اندر پھنسے ہیں، جنہیں نکالنے کے لیے جے سی بی منگوایا گیا ہے۔
اطلاعات کے مطابق نمباہوڑا، ادئے پور ہائی وے پر نیکموبھ تھانہ علاقے میں نپاولی گرام پنچائیت کے باوڑی گاؤں کے پاس یہ حادثہ پیش آیا ہے۔
حادثے کے بعد راہگیروں نے اس کی اطلاع پولیس کو دی۔اطلاع موصول ہوتے ہی نیکموبھ تھانہ افسر ونود میناریا موقع پر پہنچے۔ پولیس نے لوگوں کی مددد سے کروزر میں پھنسے لوگوں کو نکالنے کی کوشش کی، جن میں چار لوگوں کو نکالا جاچکا ہے، اور بھی کچھ لوگ پھنسے ہوئے ہیں۔
اس حادثے میں 7 افراد کے ہلاک ہونے کی اطلاع ہے، فی الحال پولیس مقامی لوگوں کی مدد سے پھنسے ہوئے لوگوں کو نکالنے کی کوشش کررہی ہے۔
بتایا جارہا ہے کہ گاڑی مدھیہ پردیش کی ہے، یہ لوگ ساؤلییاجی مندر درشن کے لیے جارہے ہو، گاڑی میں ایک بھی شخص ایسا نہیں ہے، جو کچھ بول سکے۔وہیں چار زخمیوں کو منڈفیا قصبے کے ہسپتال میں داخل کیا گیا ہے۔
