پولیس کے مطابق بی ایس ایف کی 139ویں بٹالین کے جوانوں نے جمعرات کی شب علاقے میں مشتبہ حالت میں گھوم رہے ان افراد کو گرفتار کیا۔یہ لوگ تنوٹ سے تین کلومیٹر دوررام گڑھ شاہراہ کے نزدیک ایک پک اپ میں گدھوں کو لے جانے کی کوشش کررہے تھے۔
انہوں نے کہا کہ مقامی لوگوں کی اطلاع پر بی ایس ایف کے افسران اور جوان موقع پر پہنچ گئے اور انھیں گرفتار کرکے پوچھ تاچھ شروع کی ۔
پوچھ تاچھ میں انھوں نے بتایا کہ وہ اپنے گاؤں میں پانی کے مٹکے بنانے کا کام کرتے ہیں اور ان مٹکوں کو گدھوں پر لاد کر آس پاس کے گاؤوں فروخت کے لیے لے جاتے ہیں۔اس لیے وہ ضلع میں کوٹڑی کے آسلوئی کے پدم سنگھ کے کہنے پر گدھے لینے آئے تھے۔
پولیس نے کہا کہ ان لوگوں کو ممنوعہ علاقہ میں اجازت کے بغیر داخل ہونے پر گرفتار کیا گیا ہے ۔بی ایس ایف نے پوچھ تاچھ کے بعد گرفتار شدہ بشیر خان ،سوڑھاخان اور رحمان خان کو پولیس کے حوالہ کر دیا۔انکے پاس سے ضبط کیے گئے پک اپ کو ضبط ک رلیا گیا ہے۔
