اجمیر: کورونا سے 16 کی موت، صحت یابی میں بھی اضافہ

ریاست راجستھان کے اجمیر ضلع میں اب تک کورونا وائرس سے 16 مریضوں نے دم توڑ دیا ہے، تو وہیں پوزیٹیو مریضوں کی تعداد 455 پہنچ گئی ہے۔

گزشتہ 20 دنوں میں سات موت ہوچکی ہے، تو کورونا وائرس مریضوں کی صحت یابی کی تعداد میں بھی اضافہ ہوا ہے۔

اسی طرح دوسری جانب آئسولیشن وارڈ میں بھرتی کئی کورونا پوزیٹیو مریضوں کی حالت نازک بنی ہوئی ہے۔

اجمیر میں کورونا پوزیٹیو کی پہلی موت تین مئی کو ہوئی تھی، جب کہ 20 جون کو 16ویں موت ہوئی ہے۔

ضلع میڈیکل ڈیپارٹمنٹ نے اب تک 27350 کی جانچ کی ہے جبکہ جمعہ کے روز 1431 سے زیادہ لوگوں کے سیمپل لیے ہیں۔

اسی طرح اجمیر سینٹرل جیل میں 298 قیدیوں سمیت اسٹاف کی بھی جانچ کی گئی ہے۔

اجمیر میں فی الحال ایک طرف جہاں پوزیٹیو مریضوں کی صحت یابی میں اضافہ ہوا ہے تو 16 مریضوں کی موت سے لوگوں میں خوف ہے۔