راجستھان کے سیاسی بحران پر اب نئی بات سامنے آرہی ہے جس میں پارٹی کے ریاستی انچارج اویناش پانڈے نے کہا کہ 109 ارکان اسمبلی نے اشوک گہلوت کی حمایت کے لیٹر پر دستخط کی ہے جس سے راجستھان میں کانگریس پارٹی مستحکم حالت میں ہے۔
انہوں نے کہا کہ '109 ارکان اسمبلی کے دستخط شسہ لیٹر کے علاوہ چند دیگر اراکین اسمبلی نے بھی فون پر اشوک گہلوت کے حمایتی لیٹر پر دستخط کرنے کی بات کہی ہے۔
وہیں دوسری جانب سچن پائلٹ کا دعویٰ ہے کہ انہیں 30 ارکان اسمبلی کی حمایت حاصل ہے جبکہ اس دوران یہ خبریں بھی گشت کر رہی ہیں کہ سچن پائلٹ جلد ہی وزیر داخلہ امت شاہ اور بھارتیہ جنتا پارٹی کے قومی صدر جے پی نڈا سے ملاقات کریں گے۔
اس دوران کانگریس پارٹی نے آج اپنے تمام ارکان اسمبلی کی میٹنگ طلب کی ہے جس کے لیے وہیپ بھی جاری کر دیا گیا ہے تاہم سچن پائلٹ نے میٹنگ میں شریک ہونے سے صاف انکار کیا ہے۔
اب دیکھنا ہوگا کہ راجستھان کا سیاسی اونٹ کس کروٹ بیٹھتا ہے۔
