اس بار رمضان کا ماہ کورونا وائرس کے پیش نظر لاک ڈاؤن کی وجہ سے کچھ لوگوں کے لیے مصیبت بھرا رہا تو کچھ لوگوں کے لیے بڑا آسان رہا۔ لاک ڈاؤن کے درمیان گرمی اور تیز دھوپ میں روزہ رکھنا بہت بڑا امتحان ہے۔ وہیں اس بار بڑوں کے ساتھ-ساتھ چھوٹے بچے بھی روزہ رکھ کر خدا کی عبادت کرتے ہوئے نظر آ رہے ہیں۔ بچے اپنے بڑوں کے ساتھ پانچ وقت کی نماز ادا کر رہے ہیں اور افطار کے وقت اللہ سے عالمی وبا سے نجات کی دعا کر رہے ہیں۔
جے پور سے تعلق رکھنے والی دس برس کی علماء شیخ نے بھی اس بار ماہ رمضان کے اب تک پورے روزے رکھے ہیں۔ علماء کا کہنا ہے کہ 'کورونا وائرس کی وجہ سے اسکول بند ہیں اس لیے گھر میں ہی رہ کر پڑھائی کر رہی ہوں اور اسی کے ساتھ ماہ رمضان کے روزے بھی رکھ رہی ہوں۔ اگر لاک ڈاؤن نہیں ہوتا تو شاید میں پورے روزے نہیں رکھ پاتی'۔
علماء کا کہنا ہے کہ 'رمضان کا ماہ بہت ہی عظمت والا ہے۔ یہ اسلامی برس کا نوا ماہ ہے۔ ماہ رمضان اللہ کے بتائے راستے پر چلنا، خود پر قابو کرنا، برائی کو شکست دیتے ہوئے ضرورت مند لوگوں کی مدد کرنا اور خود کو ایک آچھا انسان بنانا سکھاتا ہے'۔ علماء کا کہنا ہے کہ 'جب پہلا روزہ رکھا تھا تو مجھے بہت خوشی ہوئی تھی اور اب جب پورے روزے رکھ رہی ہوں تو میں بہت خوش ہوں۔
