پنجاب میں گورایا کے نزدیک ایک گاؤں میں آج علی الصبح ایک نوجوان نے مبینہ طور پر جائیداد کے تنازع میں اپنی بہن کو گولی مار کر قتل کردیا۔
پولیس نے بتایا کہ پردیپ کور جو تین سال سے طلاق کے بعد اپنے مائیکے میں رہ رہی تھیں، کو اس کے بھائی ریشم سنگھ نے دیسی پستول سے گولی مار دی اور فرار ہو گیا۔
واقعہ کا پتہ پردیپ کی والدہ سکھونت کور کو بعد میں چلا جب اس نے بستر پر پردیپ کی خون سے لت پت لاش دیکھی۔ سکھونت کور اور پردیپ کے والد کرپال سنگھ نے بتایا کہ ریشم واردات کو انجام دینے کے بعد فرار ہے۔
سینئرپولیس سپرنٹنڈنٹ نوجوت سنگھ محل کے مطابق قتل کی وجہ خاندان میں جائیداد کا تنازع ہے۔ پولیس نے قتل کا معاملہ درج کرلیا ہے اور ملزم کی تلاش جاری ہے۔
