کسان نے گولی مار کر خودکشی کی

پنجاب کے پھگواڑا کے ننگل ماجھا گاؤں میں گزشتہ شب ایک کسان نے اپنے لائسنسی ریوالور سے خود کو گولی مار کر خودکشی کرلی۔

پولیس کے مطابق جسبیر سنگھ کے اہل خانہ نے بتایا کہ وہ دیر شام گھر واپس آیا تھا اور اپنے کمرے میں چلا گیا، جس کے کچھ دیر بعد ہی انہیں دھماکہ سنائی دیا ۔ وہ لوگ بھاگ کر جسبیر کے کمرے میں پہنچے اور دیکھا کہ اس کے سر میں گولی لگی تھی ۔ جسبیر سنگھ کی موقع پر ہی موت ہو گئی ۔ پولیس نے معاملہ درج کر لیا ہے اور معاملے کی جانچ کی جا رہی ہے ۔