ریاست پنجاب میں سرحد سے متصل ضلع پٹھان کوٹ کے سجان پور شہر کے جس خاتون کی دو دن پہلے کوروناوائرس کے انفیکشن سے موت ہوگئی تھی، اب اس کے شوہر پریم پال اور اس کے چھ دیگر رشتے داروں کی کوروناوائرس رپورٹ مثبت پائی گئی ہے۔
اطلاع کے مطابق خاتون کے شوہر سمیت دیگر چھ کو محکمہ صحت نے اپنی نگرانی میں لے لیا ہے ، اور خاتون کے رابطے میں آئے تقریباً 35 لوگوں کو کوارنٹین میں رکھاگیا ہے، تاہم سجان پور شہر کوسیل کردیا گیا ہے۔
واضح رہے کہ نواں شہر کے کورونا وائرس سے ٹھیک ہوئے پٹھلاوا کے نوجوان فتح سنگھ جس کی عمر 35 برس ہے انہوں نے لوگوں سے مودبانہ اپیل کی ہے کہ وہ اس وبا کا مقابلہ گھروں میں رہ کر اور محکمہ صحت کی طرف سے دی جارہی ہدایات کی پیروی کرکے اور اپنے عزم محکم کے ساتھ کریں۔
