کورونا وائرس کی وجہ سے ملک بھر میں لاک ڈاؤن جاری ہے، جب کہ وزیر اعظم نریندر مودی لوگوں کو گھر میں ہی رہنے کا پیغام مسلسل دے رہے ہیں۔ ایسی صورتحال میں وہ اپنے کارکنوں کا بھی پورا خیال رکھ رہے ہیں۔ وزیر اعظم نریندر مودی خود پارٹی کے سینئر رہنماؤں سے خاص طور پر کال کرکے بات کر رہے ہیں۔
ای ٹی وی بھارت سے گفتگو کرتے ہوئے مدن موہن ویاس نے بتایا کہ 'انہیں صبح 8 بجکر 45 منٹ پر ایک نجی نمبر سے فون آیا لیکن انہوں نے فون نہیں اٹھایا، لیکن بعد میں سہ پہر میں پھر اسی نمبر سے فون آیا اور وزیر اعظم نریندر مودی سے بات کی۔ دونوں نے 1 منٹ 54 سیکنڈ تک بات کی اور پانچ سوالوں کے جوابات دیے جن میں موجودہ صورتحال، پنجاب کی صورتحال، کارکنوں میں جوش و خروش اور ان کی صحت کی دیکھ بھال شامل ہیں۔
مدن موہن ویاس نے چار سال قبل وزیر اعظم مودی سے ملاقات کی تھی۔ اس کے بعد وہ وزیر اعظم مودی کے فون کال پر بہت پرجوش ہیں۔ انہوں نے کہا کہ 'اس کال نے نہ صرف ان کے جوش کو بڑھایا، بلکہ بی جے پی کے پرانے اور سینئر رہنماؤں کو بھی جوش بھرا۔ انہوں نے بی جے پی کارکنوں کو یہ پیغام بھی دیا کہ انہیں عہدوں کی نہیں بلکہ ذمہ داریوں کو نبھانے کے لیے جذبہ رہنا چاہئے۔
