پنجاب کے امرتسر میں سرکاری ہسپتال کے کورونا وارڈ میں آکسیجن کی کمی ہونے سے کورونا کے مریضوں کی جان پر بن آئی۔
موصول اطلاع کے مطابق یہ واقعہ صبح کا ہے جب 140 کورونا مریضوں کے وارڈ میں آکسیجن کی سپلائی متاثر ہوئی، جس سے مریضوں کے دل کی دھڑکنیں تیز ہوگئی اور یہ حالت قریب ڈھائی گھنٹے تک رہی۔
ضلع انتظامیہ، ہسپتال، این جی او کی کوششوں سے کسی پرائویٹ اسپتال سے سلینڈروں کا انتظام کیا گیا، جس کے بعد سپلائی بحال ہوسکی اور مریضوں کی جان بچی۔
واضح رہے کہ کورونا وائرس سے متاثر ہونے کے معاملہ میں بھارت دنیا میں دوسرے نمبر پر پہنچ گیا ہے۔ یہاں کورونا متاثرین کی مجموعی تعداد 1،50،61،919 ہوگئی ہے اور اب تک 1،78،769 افراد اس مہلک وبا سے ہلاک ہوچکے ہیں
