پرالی جلانے پر نگرانی رکھنے کے لئے نوڈل افسر تعینات

سپریم کورٹ کی پرالی کے باقیات کو جلانے سے روکنے کے لئے ہدایات جاری کی گئی تھیں، جس پر ریاستی حکومت عمل کر رہی ہے اور اس لئے یہ قدم اٹھائے گئے ہیں۔

پنجاب حکومت نے دھان کی کٹائی کے بعد پرالی نہ جلانے کے لئے سبھی ضلع ڈپٹی کمشنرز کو گاؤں سطح پر نوڈل افسر تعینات کرنے کی ہدایت دی ہے۔
اس مرتبہ محکمہ زراعت کی جانب سے ایک موبائل ایپ بھی تیار کیا گیا ہے، جس سے ریاست بھر میں پرالی کے باقیات کو جلانے کے واقعات کے بارے میں تازہ ترین معلومات حاصل ہوسکے گی۔ سپریم کورٹ کی پرالی کے باقیات کو جلانے سے روکنے کے لئے ہدایات جاری کی گئی تھیں، جس پر ریاستی حکومت عمل کر رہی ہے اور اس لئے یہ قدم اٹھائے گئے ہیں۔
ایک اعلیٰ سطحی ورچیوئل جائزہ میٹبگ کی صدارت کرتے ہوئے چیف سیکریٹری وینی مہاجن نے پرالی کے باقیات کو جلانے کے واقعات کو مکمل طور پر روکنے کے لئے مختلف محکموں کی جانب سے اب تک کی جانے والی کارروائی کا جائزہ لیا۔ میٹنگ میں کسان لیڈروں، پنجاب زرعی یونیورسٹی، ریاستی حکومت کے محکموں اور دیگر متعلقہ اداروں نے شرکت کی۔