پنجاب کے ماہل پور تھانہ کے داروغہ سکھویندر سنگھ نے بتایا کہ پانیسرہ گاؤں میں منپریت کور عرف مٹو اور پڑوسی سربجیت سنگھ عرف سابی کے درمیان معاشقہ چل رہا تھا، جو دونوں کے اہل خانہ کو پسند نہیں تھا۔ مارچ میں دونوں خاندانوں میں کافی جھگڑا ہوا تھا۔
کل شاید سربجیت نے منپریت کو فون کرکے کہا کہ وہ خود کشی کرنے جارہا ہے اور منپریت نے سربجیت کے بھائی بلجیندر سنگھ کو فون کرکے اسے بچانے کو کہا ۔ جب بلجیندر بھاگا بھاگا گھر پہنچا تو اس نے سربجیت سنگھ کو چھت سے پھانسی پر لٹکا ہوا پایا۔
بعد میں سربجیت کا پورا کنبہ منپریت کے گھر آیا اور سربجیت کی خودکشی کے لئے منپریت کے اہل خانہ کو مورد الزام ٹھہرانا شروع کردیا۔ دونوں فریقوں میں بہت لڑائی جھگڑے ہوئے ۔ شام کے وقت منپریت نے بھی گھر کے باتھ روم میں پھندا لگا کر خودکشی کرلی۔
