جالندھر: بھارتی ریاست پنجاب میں جالندھر لوک سبھا ضمنی انتخاب کے لئے مختلف سیاسی جماعتوں اور امیدواروں کی طرف سے چلائی جا رہی انتخابی مہم پیر کی شام 6 بجے ختم ہو جائے گی۔ ضمنی انتخاب کے لیے ووٹنگ 10 مئی کو ہوگی اور ووٹوں کی گنتی 13 مئی کو ہوگی۔ الیکشن کمیشن آف انڈیا کی ہدایات کے مطابق 10 مئی کو ہونے والی پولنگ کے پیش نظر آج شام 6 بجے سے پانچ سے زائد افراد کی عوامی میٹنگیں بھی بند رہیں گی۔ لوک سبھا حلقہ جالندھر میں انتخابی مہم کے لیے باہر سے آنے والے سیاسی لیڈروں اور پارٹی کارکنوں کو چھ بجے تک ضلع جالندھر کی حدود سے باہر جانا ہوگا۔ پولنگ بوتھ سے 100 میٹر کے دائرے میں کسی بھی پارٹی کی طرف سے انتخابی مہم کی کوئی سرگرمی نہیں کی جائے گی۔
ضلع میں کل ووٹرز کی تعداد 1621800 ہے جن میں 38313 ووٹرز کی عمر 80 سال سے زائد ہے جبکہ 10526 معذور ووٹرز ہیں۔ فلور اسمبلی حلقہ میں سب سے زیادہ 199776 ووٹر ہیں۔ ووٹنگ کے لیے ضلع میں 1972 پولنگ اسٹیشنز قائم کئے گئے ہیں اور ان تمام پولنگ اسٹیشنز پر ویب کاسٹنگ سمیت دیگر تمام ضروری سہولیات کا انتظام کیا گیا ہے۔ ہر اسمبلی حلقے میں ایک ’وومین اونلی پولیشن اسٹیشن ‘ قائم کیا گیا ہے، جس کا انتظام صرف خواتین ہی کریں گی۔ مقامی پنگل واڑہ کے گھر میں ایک پولنگ بوتھ قائم کیا گیا ہے جس کا انتظام ایک جسمانی طور پر معذور شخص کرے گا۔ وہیں کرناٹک میں تشہیری مہم بھی آج شام تک ختم ہوجائے گی۔
یہ بھی پڑھیں: Karnataka Polls 2023 کرناٹک میں تشہیری مہم آج شام ختم ہوجائے گی
یو این آئی
