چھتیس گڑھ میں یوتھ کانگریس نے زرعی بل 2020 کے خلاف مظاہرہ کیا ۔
گذشتہ دنوں پارلیمنٹ میں زراعت سے متعلق بل کی منظوری کے خلاف یوتھ کانگریس کے مطالبہ پر منگل کے روز جنجگر چمپا میں ایک احتجاجی ریلی نکالی گئی۔
اس دوران مرکزی حکومت کے خلاف سخت نعرے بازی کی گئی۔
یوتھ کانگریس کے کارکنوں نے اس بل کو کسان مخالف قرار دیا ہے۔
وہیں مظاہرین نے کہا کہ زرعی بل کاشتکاروں کے لیے ایک ڈیتھ وارنٹ ہے۔
یوتھ کانگریس کارکنان نے اسے کالا قانون قرار دے کر اس کی مخالفت کی۔
مظاہرین کا کہنا تھا کہ اس بل سے کسانوں کو دھوکہ ہوگا۔ انہیں اپنی فصل کی صحیح قیمت نہیں ملے گی۔
یوتھ کانگریس نے زرعی بل کے خلاف شہر بھر میں ایک ریلی نکالی۔
مزید پڑھیں:وینکیا نائیڈو نے بائیکاٹ کے فیصلہ پر نظرثانی کرنے کی اپیل کی
ریلی کے بعد انتظامیہ کو صدر جمہوریہ کے نام ایک یادداشت پیش کی گئی اور اس بل کو واپس کرنے کا مطالبہ کیا گیا۔
کورونا کے بڑھتے ہوئے انفیکشن کے پیش نظر پوری ریاست میں ایک بار پھر لاک ڈاؤن کیا گیا ہے۔
جنجگر چمپا ضلع میں دفعہ 144 نافذ ہے۔ ایسی صورتحال میں اس ریلی کو نکالنا قانون کی خلاف ورزی ہے۔
تاہم انتظامیہ کی جانب سے اس پر کوئی کارروائی نہیں کی گئی۔
انتظامیہ کا کہنا ہے کہ انہیں اس بارے میں کوئی معلومات نہیں ہے۔
