ضلع ڈپٹی کمشنر گھنشیام تھوری نے سنیچر کو شہر کے چار علاقوں کو سیل کرنے کا حکم دیا جہاں پانچ سے زیادہ کورونا وائرس انفیکشن کے معاملے سامنے آئے ہیں۔ ان میں مقصوداں کے نزدیک واقع مہندر محلہ، ٹیچر کالونی، گوپال نگر اور فرینڈس کالونی شامل ہیں۔
انہوں نے بتایاکہ ان چار علاقوں کو محکمہ صحت کے پروٹوکول کے مطابق پوری طرح سے سیل کردیا جائے گا اور محکمہ صحت کی رپورٹز کے مطابق مائیکرو کنٹرول علاقوں کی فہرست میں ترمیم کی جائے گی۔
گھنشیام تھوری نے بتایا کہ ان علاقوں میں صحت سے متعلق اہلکاروں کے ذریعہ ڈور ٹو ڈور سروے کیا جائے گا۔ شہری، صحت اور پولس محکمہ کی مشترکہ ٹیمیں ان کنٹرول علاقوں کی سرگرمیوں کی نگرانی کریں گی۔
ضلع انتطامیہ ان علاقوں میں بیداری مہم کو انجام دے گی تاکہ لوگوں کو کووڈ-19 وبا سے بچاؤ کے لئے برتی جانے والی احتیاطی تدابیر کے بارے میں بتایا جاسکے۔
