پانپور: اسپتال پہنچانے سے قبل ہی نوجوان کی موت

جنوبی کشمیر کے قصبہ پانپور میں ایک نوجوان کو نیم مردہ حالت میں پایا گیا جس کے بعد اسے اسپتال لے جانے کی کوشش کی گئی لیکن راستے میں ہی اس نوجوان نے دم توڑ دیا۔

جنوبی کشمیر کے قصبہ پانپور میں پولیس نے ایک نوجوان کو نیم مردہ حالت میں پا کر اسے اسپتال پہنچایاگیا۔ تاہم نوجوان اسپتال پہنچنے سے پہلے ہی دم توڑ بیٹھا۔

پولیس ذرائع کے مطابق نوجوان کو دوران شب ڈونی نار علاقے میں نیم مردہ حالت میں پایا گیا تھا۔

ڈاکٹروں کے مطابق نوجوان کی اسپتال پہنچانے سے قبل ہی موت واقع ہوگئی تھی۔

نوجوان کے فوت ہونے کی وجہ معلوم کرنے کے لیے لاش کا پوسٹ مارٹم کیا گیا۔

فوت ہونے والے نوجوان کی شناخت کدلہ بل پانپور کے رہنے والے شوکت احمد خان ولد منظور احمد کے طور ہوئی ہے۔

اس سلسلے میں پانپور پولیس معاملہ درج کرکے مزید تحقیقات شروع کر دی ہے۔