پلوامہ: جموں و کشمیر کے ضلع پلوامہ کے سب ڈویزن ترال میں محمدیہ بیت المال چندری گام کی جانب سے سب ڈسٹرکٹ ہسپتال ترال میں ایک تقریب کا اہتمام کیا گیا۔ جس میں اے ڈی سی ترال شبیر احمد رینہ مہمان خصوصی کی حثییت سے شامل ہوئے جبکہ اس موقع پر سماجی کارکن فاروق ترالی اور معروف مصنف ڈاکٹر جوہر قدوسی، بی ایم او ترال ڈاکٹر وریندر کے علاوہ مسلم اور سکھ برادری کے لوگ بڑی تعداد میں شرکت کی۔ اس تقریب میں محمدیہ بیت المال کی جانب سے ایک درجن کے قریب ویل چیرس سب ڈسٹرکٹ ترال کو وقف کی گئی۔
میڈیا سے بات کرتے ہوئےادارے کے سرپرست ڈاکٹر جوہر قدوسی نے بتایاکہ محمدیہ بیت المال پورے سب ضلع ترال میں اپنی خدمات کو بڑھا رہا ہے اور اسی کی ایک کڑی کے طور آج ویل چیرس کو وقف کیا گیا ہے۔ یہ سلسلہ جاری رہے گا۔ انہوں نے مزید کہا کہ یہ بیت المال اب صحت عامہ کے شعبے کی جانب توجہ دے رہا ہے۔ انہوں نے مخیر حضرات سے تعاون کی اپیل کی ہے۔
مزید پڑھیں:
