جنوبی قصبہ ترال سے آٹھ کلو میٹر دور واقع ہندورہ گاوں میں محکمہ جل شکھتی نے بیس برس قبل ایک فلٹریشن پلانٹ تعمیر کیا اور لوگوں کو فلٹر شدہ پانی فراہم کرنے کا سلسلہ شروع کیا، لیکن عوام کی یہ خوشی زیاد دیر تک قاہم نہیں رہی کیونکہ کچھ مہینے چالو رہنے کے بعد فلٹریشن پلانٹ بند ہوا اور پھر آج تک چالو نہیں ہو سکا.
مقامی لوگوں کے مطابق فلٹریشن پلانٹ پچھلے بیس سال سے بےکار ہے اور اب اس میں گھاس پھوس جمع ہوا ہے اور نتیجہ یہ کہ گاوں کی آبادی کو بغیر فلٹریشن کے ہی پانی فراہم کیا جاتا ہے۔
مقامی لوگوں کے مطابق محکمہ جل شکھتی کے بلند بانگ دعوے زمینی سطح پر کھوکھلے ثابت ہو رہے ہیں۔
مقامی شھری بشیر احمد خان نے بتایا کہ فلٹریشن پلانٹ چالو نہ ہونے سے گاوں کی پوری آبادی مشکلات میں ہے اور متعلقہ حکام خاموش تماشائی بنے ہوئے ہیں
ایک اور شھری قیوم خان کے مطابق پوری بستی کو بغیر فلٹریشن کے پانی فراہم کرنے سے کالرا اور دیگر بیماریاں پھیلنے کا اندیشہ لاحق رہتا ہے آبادی نے مانگ کی ہے کہ فلٹریشن پلانٹ پر کام جلد شروع کیاجائے۔
ای ٹی وی بھارت نے معاملے کی نسبت اسسٹنٹ ایگزیکٹو انجینئر جل شکھتی سب ڈویژن ترال سھیب یوسف سے بات کی تو انھوں نے اعتراف کیا کہ ہندورہ کا فلٹریشن پلانٹ عرصہ دراز سے بے کار تھا تاہم اس پلانٹ پر تعمیر وتجدید کا عمل جلد ہی شروع ہو گا
