لاک ڈاؤن کی خلاف ورزی، درجنوں گاڑیاں ضبط

لاک ڈاؤن کے اصولوں کی خلاف ورزی کرنے پر جموں و کشمیر پولیس نے کھریو اور پانپور میں 26 گاڑیاں ضبط کر لی جبکہ ماسک نہ پہننے پر 26 افراد سے 6 ہزار روپے بطور جُرمانہ وصول کیے گئے ہیں۔

تفصیلات کے مطابق ایس ڈی پی او پانپور امتیاز احمد نے بتایا کہ پانپور قصبہ سے 12 گاڑیاں جبکہ علاقے کھریو سے 14 گاڑیاں لاک ڈاؤن کے اصولوں کی خلاف ورزی کرتے ہوئے پکڑی گئیں جن کو ضبط کیا گیا ہے اور 26 افراد سے 6 ہزار روپیہ بطور جرمانہ وصول کیا گیا ہے۔

انہوں نے کہا کہ کورونا واٸرس کے کیسز میں اضافے کے پیش نظر یہ اقدامات اُٹھاۓ جا رہے ہیں۔تاکہ اس بیماری کو پھیلنے سے روکا جا سکے۔ایس ڈی پی او نے کہا ایس او پیز پر عمل کرنا لازم و ملزوم ہے اور یہ وقت کی اہم ضرورت ہے انہوں نے کہا کہ کورونا وائرس جیسی مہلک بیمار پر قابو پانے کے لیے ہمارے پاس صرف یہی ہتھیار ہے کہ ہم قانون کی پاسداری کریں، جس سے ہم اپنے علاوہ اپنے اہل خانہ اور دیگر لوگوں کو اس مہلک بیماری سے بچا سکتے ہیں۔انہوں نے لوگوں سے اپیل کی ہے کہ وہ گھر سے نکلتے وقت ماسکس کا استعمال کریں اور غیر ضروری طور گھروں سے باہر نہ نکلے۔ انہوں نے مزید کہا کہ لاک ڈون پر بہر حال ہمیں عمل کرنی ہوگی جب تک کہ اس بیمار کا خاتمہ نہیں ہو جاتا ہے۔