جنوبی کشمیر کے ضلع پلوامہ کے رہمو گاؤں کے باشندوں کو کورونا وائرس کی وجہ سے مرکزی راستہ بند کرنے سے کافی زیادہ مشکلات کا سامنا کرنا پڑ رہا ہے۔
مقامی لوگوں کا کہنا ہے کہ گاؤں میں تعینات 53 آر آر بٹالین نے ہی اس روڈ کو بلاک کر کے رکھا یے۔
مقامی لوگوں کا کہنا ہے کہ یہ واحد راستہ ہے جس کے ذریعے سے ہم باغوں تک پانی لے جاتے ہیں اور دوائیوں کا چھڑکاو بھی کرتے تھے لیکن آج روڈ بند ہونے کی وجہ سے وہ یہ کام بھی نہیں کرپارہے ہیں۔
یہ روڈ متعدد دور دراز کے علاقے کو ضلع پلوامہ سے ملاتا ہے، اس روڈ کے بند ہونے سے مریضوں اور کاروباریوں کو پلوامہ جانے کے لیے دوسرے راستوں کا رخ اختیار کرنا پڑ رہا ہے جس کی وجہ لوگوں کو جہاں ایک گھنٹہ لگتا تھا وہیں اب نو سے دس گھنٹے لگ جاتے ہے۔
سکیورٹی ذرائع کے مطابق اس روڈ کو گاؤں میں کورونا وائرس مریضوں میں اضافہ ہونے کی وجہ سے بلاک کیا گیا ہے۔
تحصیلدار راجپورہ کے مطابق گزشتہ کئی ہفتوں سے کورونا وائرس کے مریضوں میں اضافہ ہونے کی وجہ سے اس روڈ کو بلاک کیا گیا ہے،
تحصیلدار نے یقین دلایا ہے کہ کورونا وائرس کے مریضوں میں کمی آنے کے بعد روڈ کو آنے والے کچھ دنوں میں کھول دیا جائے گا۔
