پانپور میں دو ہیلتھ سینٹر کووڈ کئیر سینٹرز میں تبدیل

ضلع پلوامہ کے پانپور میں دو ہیلتھ سینٹرز کو کووڈ کئیر سینٹرز میں تبدیل کر دیا گیا ہے۔

کورونا واٸرس کے بڑھتے معاملات کے پیش نظر محکمہ صحت نے ضلع پلوامہ کے بلاک پانپور کے دو ہیلتھ سینٹرز، جن میں سامبور اور نہامہ شامل ہیں کو کورونا کئیر سینٹرز میں تبدیل کیا ہے۔

ان سینٹرز میں میں کورونا متاثرین کے لیے آکسیجن سہولیات کے علاوہ دیگر تمام سہولیات میسر رکھی گئی ہیں۔

بلاک میڈیکل افسر گلزار احمد نے کہا کہ کورونا کے بڑھتے واقعات کے پیش نظر یہ قدم اٹھایا گیا ہے۔

انہوں نے کہا کہ قصبہ پانپور میں پچھلے کئی دنوں سے کورونا کیسز میں کافی زیادہ اضافہ دیکھنے کو ملا ہے۔ اس وجہ سے انہوں نے اس مہلک بیماری سے لڑنے کے لیے مکمل تیاری کر رکھی ہے۔

انہوں نے کہا کہ ان سنٹروں میں نہ صرف آکسیجن سپلائی کا انتظام کیا گیا ہے بلکہ دیگر تمام ضروری سہولیات بھی میسر رکھی گٸ ہے تاکہ مریضوں کو کسی طرح کی مشکلات کا سامنا نہ کرنا پڑے۔