پانپور: ڈی ڈی سی ارکان کے لئے کیمپ کا اہتمام

پروگرام میں موجود ایک افسر نے کہا کہ اس پروگرام کے انعقاد کا مقصد سرکاری اسکیموں کے حوالے سے جانکاری فراہم کرنا ہے تاکہ عام لوگ ان اسکیموں سے مستفید ہو سکیں۔

جنوبی ضلع پلوامہ میں آج انتظامیہ نے جے کے ای ڈی آئی پانپور میں تمام نو منتخب ڈی ڈی سی ارکان کے لئے دو روزہ کیمپ منعقد کیا۔ پروگرام میں ضلع کے پلوامہ، راجپورہ، ترال، آری پل، اونتی پورہ، کاکاپورہ اور پانپور کے ڈی ڈی سی ارکان نے شرکت کی۔
اس موقع پر انتظامیہ کی جانب سے ڈی ڈی سی ارکان کو مرکزی سرکار کی تمام اسکیموں کے بارے میں جانکاری فراہم کی گئی تاکہ ڈی ڈی سی ممبران اپنے علاقوں میں ان اسکیموں کو لوگوں تک پہنچائیں اور عام لوگوں کو ان اسکیموں سے زیادہ سے زیادہ فائدہ پہنچائیں۔

پروگرام میں موجود ماہرین نے ڈی ڈی سی ممبران کو ایگریکلچر، ہارٹیکلچر، انیمل ہسبنڈری، پی ایچ ای اور ارگیشن کے علاوہ مرکز کی دیگر سکیموں کے بارے میں بھی تفصیلی جانکاری فراہم کی گئی تاکہ وہ ان اسکیموں کو لوگوں تک پہنچانے میں اپنا رول ادا کریں۔

پروگرام میں موجود ایک افسر نے کہا کہ آج انہوں نے ضلع پلوامہ کے تمام ڈی ڈی سی ارکان کو سرکاری اسکیموں کے حوالے سے ٹریننگ دی ہے۔ اس طرح سے ان اسکیموں کا زمینی سطع پر صحیع استمال ہو سکتا ہے اور ان سے لوگوں کو فائدہ حاصل ہو سکتا ہے۔