اونتی پورہ میں شراب سمیت دو افراد گرفتار

پولیس نے گاڑی میں سوار دونوں افراد کوگرفتار کر کے ان کے خلاف ایف آئی آر درج کیا ہے۔ دونوں کی شناخت غلام نبی شیخ ساکن سالر اور اختر رسول ساکن بجبہاڑہ اننت ناگ کے بطور ہوئی ہے۔

جنوبی کشمیر کے اونتی پورہ میں پولیس نے شراب کا غیرقانونی کاروبار کرنے والے دو افراد کو گرفتار کر کے ان کے قبضے سے شراب کی بڑی مقدار ضبط کی ہے۔

تفصیلات کے مطابق اونتی پورہ پولیس نے نمبل کراسنگ کے نزدیک دوران ناکہ ایک سینٹرو JK02AC 3801 کی تلاشی لی، جس دوران گاڈی سے شراب کی بتیس بوتلیں برامد ہوئیں۔

پولیس نے گاڈی میں سوار دونوں افراد جنکی شناخت غلام نبی شیخ ساکن سالر اور اختر رسول ساکن بجبہاڑہ اننت ناگ کے بطور ہوئی ہے کو گرفتار کر کے انکے خلاف ایف آئی آر درج کیا ہے۔
مقامی لوگوں نے پولیس کے رول کی سراہنا کی ہے اور امید ظاہر کی ہے کہ منشیات کے خلاف جنگ جاری رہے گی۔