جنوبی کشمیر کے ترال علاقے میں کھیل سرگرمیوں میں اضافہ ہو رہا ہے۔ میڈورہ نامی گاؤں میں چند مقامی نوجوانوں کی جانب سے ترال پریمیر لیگ (Tral Premier League) کے نام سے ٹورنامنٹ شروع کیا گیا ہے جس کا افتتاح مقامی ڈی ڈی سی ممبر ڈاکٹر ہربخش سنگھ نے کیا۔
انہوں نے کہا کہ محکمہ دیہی ترقی نے بہت کم مدت میں اس میدان کو تعمیر کیا ہے، انہوں نے بتایا کہ ہماری کوشش ہے کہ اسپورٹس کونسل (Sports Council) کے اشتراک سے ترال میں ہر کھیل کا ٹورنامنٹ منعقد کریں گے تاکہ یہاں کے نو جوان صحت مند رہنے کے ساتھ ساتھ منشیات ودیگر برائیوں سے بچ سکیں۔
مزید پڑھیں: اننت ناگ کرکٹ پریمیئر لیگ کا انعقاد
ڈاکٹر ہر بخش سنگھ نے بتایا کہ ترال علاقے میں نوجوانوں کی حوصلہ افزائی کا سلسلہ جاری رہے گا تاکہ یہ کھیل کود کی سرگرمیوں میں زیادہ سے زیادہ حصہ لیں گے۔
واضح رہے کہ ترال پریمیر لیگ کو دونوجوان سہیل احمد اور منظور احمد کی کوششوں سے منعقد کیا گیا ہے، تاکہ نوجوان نسل کو منشیات سے بچایا جا سکے۔
