ترال(پلوامہ):سوک ایکشن پروگرام کے ایک حصے کے طور پر اونتی پورہ پولیس نے گورنمنٹ اسکولوں میں ضرورت مند طلبہ میں اسکول کٹس، جوتے تقسیم کیے ہیں۔جن اسکولوں میں یہ کیٹس تقسیم کیے گئے ان میں اپر پرائمری اسکول لانز گنڈ ترال، گورنمنٹ بوائز پرائمری اسکول برنپتھری ترال، گورنمنٹ اپر پرائمری اسکول ناگبل ترال قابل ذکر ہیں۔
اس موقع پر ایس ایس پی اونتی پورہ اعجاز احمد زرگر ، ہلال خالق بٹ اور ایس ڈی پی او ترال ڈاکٹر مبشر اور ایس ایچ او ترال منظور احمد بھی موجود تھے۔
طلبہ کے ساتھ بات چیت کے دوران ایس ایس پی اونتی پورہ نے انہیں مستقبل میں بھی ہر ممکن تعاون کا یقین دلایا اور طلبہ کو مشورہ دیا کہ وہ اپنی پڑھائی پر توجہ دیں اور غیر نصابی سرگرمیوں میں بھی حصہ لیں۔عام لوگوں نے ایسے ضرورت مند طلبہ کی مدد کے لیے اونتی پورہ پولیس کی کوششوں کی ستائش کی۔ تقریب کے اختتام پر کمیونٹی ممبران نے محکمہ کی طرف سے فراہم کردہ تعاون پر اظہار تشکر کیا۔
مزید پڑھیں: Eid Kits For Needy Person تنظیم فلاح و انسانیت کی جانب سے غرباء میں عید کٹس تقسیم
میڈیا سے بات کرتے ہوئے اعجاز زرگر نے بتایا کہ خط افلاس سے نیچے زندگی گزارنے والے طلاب کے لیے سیوک ایکشن پروگرام کا اہتمام کیا گیا اور اس کے بعد بھی اس طرح کے پروگرامز کا اہتمام کیا جائے گا تاکہ غریب طلبہ اپنے خوابوں کو شرمندہ تعبیر کر سکیں۔
