Tractor Catches Fire in Tral بٹہ گنڈ ترال میں گھاس سے بھرے ٹریکٹر میں لگی آگ

جنوبی کشمیر کے سب ضلع ترال کے بٹہ گنڈ علاقہ میں ایک سوکھے کھاس کت ٹریکٹر میں آگ لگ گئی۔ محکمہ فائیر سروس، پولیس اور سی آر پی ایف نے بروقت کارروائی کرتے ہوئے آگ پر قابو پالیا۔ اس حادثہ میں ٹریکٹر ڈرائیور بال بال بچ گیا۔Tractor Catches Fire in Tral

ترال:بٹہ گنڈ ترال میں آج گیارہ بجے کے قریب گھاس سے بھرے ایک ٹریکٹر میں آگ لگ گئی جس کے نتیجے میں ٹریکٹر میں موجود گھاس جل کر خاکستر ہوگیا۔اس واردات میں ٹریکٹر ڈراییور بال بال بچ گیا۔Tractor Catches Fire in Tral

مقامی لوگوں نے بتایا کہ علاقے میں بجلی کی ترسیلی لائنیں بہت نیچے ہیں جس کی وجہ سے یہ واقع پیش آیا، تاہم محکمہ فائیر سروس، پولیس اور سی آر پی ایف نے آگ کو مزید پھیلنے سے روکا جس کی وجہ سے ایک بڑا حادثہ ٹلتے ٹلتے رہ گیا۔

اس حوالے سے انچارج فائیر اسٹیشن ترال محمد امین نے بتایا کہ ٹریکٹر میں آگ کی اطلاع ملتے ہی انھوں نے عملے کی مدد سے آگ پر قابو پایا۔ انھوں نے مزید بتایا کہ گاڑیوں میں زیادہ گھاس بھر نے سے ایسے واقعات اب روز کا معمول بن گیا ہے، انہوں نے عوام سے گزارش کی کہ سوکھے گھاس کو گاڑی میں لوڈ کرتے وقت احتیاط سے کام لیں تاکہ کوئی حادثہ پیش نہ آئے۔