نمائندے کے مطابق ڈی سی آفس پلوامہ میں آنے والے ہر شخص کی تھرمل اسکریننگ عمل میں لائی جا رہی ہے۔
اس سے قبل پلوامہ انتظامیہ نے پبلک ٹرانسپورٹ کی نقل و حمل پر پابندی عائد کرکے ضلع میں امتناعی احکامات صادر کیے ہیں۔
پلوامہ: ڈی سی آفس میں تھرمل اسکریننگ
قابل ذکر ہے کہ گزستہ روز سرینگر میں ایک خاتون کا کووڈ ٹیسٹ مثبت پائے جانے کے بعد کشمیری عوام میں خوف و ہراس کا ماحول ہے اور انتظامیہ کی جانب سے کڑے انتظامات کیے جا رہے ہیں۔
جموں و کشمیر میں کورونا وائر کو پھیلنے سے روکنے کے لیے گزشتہ ہفتے لیفٹیننٹ گورنر انتظامیہ نے 31مارچ تک جموں و کشمیر میں سبھی تعلیمی اداروں کو بند رکھنے کے ساتھ ساتھ ہوٹلوں اور ریسٹورنٹس کو بھی بند کر دیا ہے۔
قابل ذکر ہے کہ دنیا بھر میں کوروناوائرس کے سبب اب تک 9000قیمتی جانیں تلف ہوئی ہیں جبکہ عالمی ادراہ صحت نے اس وائرس کو ’عالمی وبا‘ قرار دیا ہے۔
