وادیٔ کشمیر کے دیگر اضلاع کے ساتھ ساتھ ضلع پلوامہ میں آج صبح سے تازہ برف باری شروع ہوگئی ہے، برفباری کے پیش نظر لوگوں کو طرح طرح کی مشکلات کا سامنا کرنا پڑتا ہے جب کہ یہ برف باری زرعی شعبے کے لیے سود مند ثابت ہوتی ہے، جب کہ برف باری سے فصل کی پیداوار میں اضافہ ہوتا ہے وہیں آبی ذخائر بھی اس برف باری سے سال بھر آباد رہتے ہیں۔ تاہم اس برفباری کی وجہ سے عوام کو پانی بجلی اور سڑک جیسے مسائل کا سامنا کرنا پڑتا ہے جس کے لیے عوام نے انتظامیہ سے اپیل کی ہے کہ برفباری کے پیش نظر ان چیزوں کو بحال رکھا جائے تاکہ عوام کو زیادہ مشکلات کا سامنا کرنا نا پڑے۔
اس سلسلے میں اویس احمد نے کہا کہ یہ برف باری زرعی شعبے کے لیے مفید ہے تاہم انتظامیہ سے اپیل کی جا رہی ہے کہ اس برفباری کے دور ان سڑک پانی اور بجلی کو بحال رکھا جائے تاکہ عوام کو مشکلات کا سامنا نہ ہو کیونکہ اکثر اوقات ایمرجنسی میں اسپتال جانا پڑتاہے یا کوئی حادثہ پیش آجائے تو کئی مشکل مراحل سے گزرنا پڑتا ہے۔ اس حوالے سے غلام محی الدین نے کہا کہ برف باری ہمارے باغات کے لیے اور دیگر شعبوں کے لیے مفید ہے تاہم انتظامیہ کو برف باری سے جو مشکلات عوام کو پیش آتی اس کو حل کرنا چاہیے اور سڑک بجلی کی بحالی کو یقینی بنانا چاہیے تاکہ عوام کو مشکلات کا سامنا نہ کرنا پڑے۔
