اونتی پورہ: سڑک حادثے میں سومو ڈرائیور جاں بحق

اونتی پورہ میں ایک سومو گاڑی، ڈرائیو کے قابو سے باہر ہوگئی اور حادثہ پیش آیا۔ حادثہ میں ڈرائیور کی موت ہو گئی۔

اونتی پورہ میں ایک سڑک حادثہ پیش آیا جس میں ڈرائیور کی موت ہوگئی۔ اطلاعات کے مطابق سومو گاڑی اچانک بے قابو ہوجانے کی وجہ سے حادثہ پیش آیا جس میں ڈرائیور شدید طور پر زخمی ہوگیا تھا جسے پامپور سب ڈسٹرکٹ ہسپتال منتقل کیا گیا جہاں اسے ڈاکٹروں نے مردہ قرار دیا۔

پولیس نے ہلاک شدہ ڈرائیور کی شناخت پوچھل پلوامہ کے غلام محمد میر کے بطور کی ہے۔ اونتی پورہ پولیس نے اس معاملے میں کیس درج کر کے تحقیقات شروع کر دی ہے۔

مذکورہ ڈرائیور کی لاش آبائی گاؤں لائی گئی تو وہاں کہرام مچ گیا۔