پلوامہ : برفباری زعفران کی زراعت کے لیے فائدہ مند

مرکز کے زیر انتظام علاقہ جموں و کشمیر میں ان دنوں برفباری جاری ہے، اس وجہ سے عام زندگی مفلوج ہو کر رہ گئی ہے۔

جموں و کشمیر میں برفباری کو وہاں کے کاشت کار زعفران کی زراعت کے لیے مفید بتا رہے ہیں۔

جنوبی کشمیر کے ضلع پلوامہ کے پانپور علاقےمیں زعفران کی کھیتی بڑے پیمانے پر ہوتی ہے۔

زعفران کی کاشت کرنے والے افراد کا کہنا ہے کہ اس کی کھیتوں کے لیے برفباری کا ہونا انتہائی ضروری ہے۔

انہوں نے کہا کہ برفباری سے زعفران کے بیجوں تک پانی چلا جاتا ہے جس سے ان بیجوں میں کٸ مہینے تک نمی رہتی ہے۔

انھوں نے کہا کہ برفباری کی وجہ سے اگرچہ انہیں شدید سردیوں کا سامنا کرنا پڑتا ہے لیکن زراعت شعبے کے لیے برف کا گرنا ایک خوش آئند بات ہے۔