شمالی کشمیر میں سیکورٹی فورسز کو پہنچے حالیہ نقصان کے بعد جنوبی کشمیر میں بھی سیکورٹی فورسز نے اپنی کارروائیاں تیز کردی ہیں کل شام سے جہاں معروف عسکری کمانڈر ریاض نائکو کے آبائی گاؤں بیگ پورہ میں سرچ آپریشن جاری ہے۔
وہیں جنوبی کشمیر کے ہی ترال علاقے میں رٹھسونہ نامی گاوں کو فوج، سی آر پی ایف، اور ایس او جی ترال نے محاصرہ میں لیا ہے جس دوران گاؤں کے تمام داخلی اور خارجی راستوں پر پہرے بٹھا دئیے گئے ہیں جبکہ تلاشییوں کا سلسلہ شروع کیا گیا۔
یہ بات قابل ذکر ہے کہ جنوبی کشمیر کے ہی شار شالی کھریو علاقے میں عسکریت پسندوں اور فوج کے درمیان ہوئی مختصر جھڑپ کے بعد وہاں بھی سرچ آپریشن جاری ہے۔
مزید تفصیلات کا انتظار ہے۔
