نمائندے کے مطابق چاٹہ پورہ، پلوامہ میں احتجاجی خواتین نے محکمہ پی ایچ ای پر الزائم عائد کیا کہ انہوں نے کلیر پلوامہ کے باشندوں کو ایک ماہ سے پانی کی سپلائی سے محروم رکھا ہے۔
پلوامہ میں پانی کی قلت پرخواتین کا احتجاج
ای ٹی وی بھارت کے ساتھ بات کرتے ہوئے احتجاجی خواتین کا کہنا تھا کہ انہیں دن میں ایک بار پانی سپلائی کیا جاتا تھا جس سے انہیں پانی جمع کرنے کا موقع فراہم ہو جاتا تھا، تاہم پھر دو یا تین روز بعد پانی کی سپلائی کی جانے لگی، اور اب حال یہ ہے کہ ’’ایک ماہ سے پانی غائب ہے۔‘‘
احتجاج کی وجہ سے کلیر - پلوامہ سڑک پر کافی دیر تک ٹریفک متاثر رہا۔
انہوں نے اس معاملے میں ضلع ترقیات کمشنر سے از خود مداخلت کی اپیل کرتے ہوئے کہا کہ انہیں پانی کی سپلائی بحال کرکے انکے مسائل اور پریشانیوں کا ازالہ کیا جائے۔
