جنوبی کشمیر کے ضلع پلوامہ کے للہار کاکاپورہ علاقے میں ایک پراسرار آتشزدگی کے واقعہ میں ایک ٹپر مکمل طور پر تباہ ہو گیا۔ ذرائع کے مطابق کل رات دیر گئی ایک ٹپر نمبر JK1R-9135 للہار کے مقام پر کھڑا تھا اور رات کے اوقات میں اس میں آگ لگ گئی جس کی وجہ سے ٹپر کو بڑے پیمانے پر نقصان پہنچا۔
پلوامہ: آگ لگنے سے ٹپر جل کر تباہ
اگرچہ مقامی لوگوں نے آگ پر قابو پانے کی کوشش کی تاہم وہ ناکام رہے۔ مقامی لوگوں کے مطابق اس واقعہ میں شرپسند عناصر کا ہاتھ ہوسکتا ہے، تاہم ابھی تک آگ لگنے کی وجہ سامنے نہیں آئی۔
اس ٹپر مالک کی شناخت فردوس احمد بھٹ ولد غلام رسول بھٹ کے طور ہوئی ہے جو کہ للہار گاؤں سے تعلق رکھتا ہے۔ وہیں پولیس نے اس سلسلے میں کیس درج کر کے تفتیش شروع کر دی ہے۔
